د وزارت د یو شمېر رئیسانو او سلاکارانو د کلنیو اجرااتو ارزونه!
د وزارت اړوند د یو شمېر رئيسانو او سلاکارانو د کړنو کلنۍ ارزونه نن شنبه د روان کال د مرغومې میاشتی پر ۲۱مه نېټه د سرحدونو او قبایلو چارو وزارت د مسلکي معین ښاغلي ډاکټر فریدون بارکزي او د اداري اصلاحاتو او ملکي خدمتونو د خپلواک کمېسیون د ارزونې مسوول ښاغلي تمیم سکندري له لورې په مسلکي معینیت کې ترسره شوه.
د ارزونې پر مهال ښاغلي بارکزي وویل: چې د کارکوونکو د اجرااتو کلنۍ ارزونه اړینه ده، ځکه په دې سره په چارو کې خوځښت او نوښت رامنځته کیږي همدا راز یې د نوموړو ارزونې بریالۍ یادې کړې او په چارو کې یې په ګډو هلو ځلو او همغږیو ټینګار وکړ.
