د وزارت د پلان او پالیسۍ او اداري او خدماتو ریاست له مسؤلینو او کارکوونکو سره کتنه!
د سرحدونو او قبایلو چارو سرپرست او نوماند وزیر ښاغلي محب الله صمیم نن چهارشنبې د ۱۳۹۹لمریز کال د تلې میاشتې پر ۹ مه نېټه د پلان او پالېسۍ او اداري او خدماتو ریاستونو له رئیسانو او کارکوونکو سره د وزارت د کنفرانسونو په تالار کې په جلاجلا توګه وکتل.
په یاده کتنه کې، چې د مقام د دفتر رئيس ښاغلی نور آقا ناصري هم حاضر و، د اړوندو ریاستونو مسؤلینو د خپلو تېرو، اوسنیو او راتلونکو کړنو په اړه معلومات وړاندې کړل، یو لړ غوښتنې او ستونزې یې د حل په موخه شریکې کړې.
ورپسې ښاغلي محب الله صمیم د یادو ریاستونو له رئیسانو او کارکونکو څخه د مننې په ترڅ کې د دوی هڅې د ستاینې وړ وبللې او د چارو د بهبود لپاره یې لازمې لارښوونې وکړې.
