د وزارت اړوند لېسو کې د هر اړخیزو اصلاحاتو د پلي کولو غونډه!
د سرحدونو او قبایلو چارو وزارت مسلکي مرستیال ښاغلي ډاکټر فریدون بارکزي نن شنبې د روان لمریز کال د کب میاشتې پر ۱۷ مه نېټه د وزارت له یو شمېر رئيسانو او اړوند لېسو له مسؤلینو سره د وزارت اړوند لېسو کې د هر اړخیزو اصلاحاتو د پلي کولو په موخه غونډه ترسره کړه.
په یاده غونډه کې د وزارت مسلکي مرستیال ښاغلي بارکزي له اړوند مسؤلینو څخه وغوښتل، چې د نوي تعلمي کال لپاره د وزارت په اړوند لېسو کې د ښېرازۍ، د لیلې خونو، یونیفورم، د زده کوونکو د خوړو او د تدریس کفیت ته پاملرنه وکړي او په دې برخه کې دې د لېسو څخه له نږدې لیدنه او څارنه وکړي.
همدا راز یې زیاته کړه، چې په لېسو کې دې د کرونا ویروس پر وړاندې د زده کوونکو لپاره وقايوي او د مخنیوي پروګرام په لار واچول شي.
