د هېواد د نوموتي ملي هنرمند هنري او فرهنګي فعالیتونه وستایل شول!
د سرحدونو او قبایلو چارو وزیر ښاغلي محب الله صمیم نن له غرمې مخکې د هېواد له مشهور ملي او حماسي سندرغاړي ښاغلي استاد ګلزمان سره وکتل.
په دې کتنه کې ښاغلي استاد د وزارت د ملي او فرهنګي ورځو په لمانځغونډو کې د خپل ګډون او هنري فعالیتونو په اړه ښاغلي صمیم ته معلومات وړاندې کړل او په دغو برخو کې یې د وزارت له ملاتړ او همکارۍ څخه مننه وکړه.
ورپسې ښاغلي محب الله صمیم د استاد هنري فعالیتونه وستایل وې ویل: د وزارت ملي او فرهنګي غوڼدې د استاد په ملي او حماسي سندرو او کنسرتونو ښکلي دي، موږ باید په ژوند خپل نوموتي هنرمندان وستایو او د هغوې قدر وکړو.
ښاغلي صمیم دغه راز ژمنه وکړه، د استاد د ستاینې او هڅوونې لپاره به د هغې ستاینغوڼدې په جوړولو او لګښت کې، چې په نږدې راتلونکی کې له همکارو ادارو سره جوړیږي بشپړه همکاري وکړي.
