د نويو پروژو د پرانيستي په پار د افغانستان شمال ته د اسلامي امارت د رهبرۍ سفر
د رياست الوزرا اقتصادي مرستيال ملاعبدالغني برادر په مشری، د افغانستان اسلامي امارت مشرتابه پلاوي د يوشمېر نويو عمراني پروژو د افتتاح په پار بلخ ولايت ته سفر وکړ. په دې سفر کې د سرحدونو، قومونو او قبايلو چارو وزارت سرپرست ملانورالله نوري، د کرنې، اوبولګولو او مالدارۍ وزارت سرپرست مولوی عبدالرحمن راشد، د صنعت او سوداکرۍ وزارت سرپرست نورالدین عزیزي، د ماليې سرپرست وزير ملا هدایت الله بدري، د اطلاعاتو او کلتور وزارت سرپرست ملا خیرالله خیرخواه، د اطلاعاتو او کلتور وزارت نشراتي مرستيال ذبیح الله مجاهد او د کورنيو چارو وزارت مخدره توکو سره د مبارزې مرستيال وزير ملا عبدالحق د رياست الوزرا د اقتصادي مرستيال ملتيا کوي. د اسلامي امارت د کابينې غړي د شمالي ولايتونو د وضعيت ارزونې په پار د بلخ په ولايت کې مشورتي ناسته وکړه، چې په دې ناسته کې د بلخ ولايت والي مولوی قدرت الله ابوحمزه، د جوزجان مرستيال والي مولوی گل محمد سلیم او د شمالي ولايتونو يوشمېر چارواکو شتون درلود.
