د نورستان د کامدېش په ولسوالۍ کې د سېلاوونو د راوتو له امله د اوښتي مالي او سر زیان په اړه د سرحدونو او قبایلو چارو وزارت د خواشینۍ او ډاډګېرنۍ پیغام!
د نورستان ولایت کامدېش ولسوالۍ د مېردېش په کلي کې د سېلاوونو د راوتو له امله زموږ لسګونو هېوادوالو ته مرګ، ژوبله او ترڅنګ یې مالي زیانونه اوښتي دي.
د سرحدونو او قبایلو چارو وزارت په داسې حال کې چې ځان په دې ویر کې شریک بولي هغو هېوادوالو ته چې خپل ژوند یې له لاسه ورکړی د پاک رب له دربار څخه ورته د فردوس جنت، ټپیانو ته د روغتیا او غم ځپلو کورنیو ته د جمیل صبر غوښتنه کوي .
دغه راز له خپلو شتمنو هېوادوالو او اړوندو کورنیو او بهرنیو ادارو څخه غواړي، چې زموږ د یادو هېوادوالو لاسنیوې وکړي او د مرستې لاس ور وغځوي.
محب الله صمیم
د سرحدونو او قبایلو چارو وزیر
