د مسلکي ظرفیتونو د پراختیا روزنیز ۱۵ ورځنی ورکشاپ پای ته ورسید!
د سرحدونو او قبایلو چارو وزارت د سرحدي څېړنو معینیت پورې اړوند پوځي چارواکو ته په مسلکي برخه کې د ظرفیتونو د پراختیا ورکشاپ، چې څه موده وړاندې پیل شوی و، نن د مرغومې پر ۱۰ مه نېټه پای ته ورسېد.
په هغې غونډه کې چې نن په همدې اړوند جوړه شوې وه د وزارت معین صاحبانو او د سرحدي څېړنو معینیت پورې اړوند پوځي چارواکو برخه اخیستې وه.
په دې غونډه کې اړوندو معین صاحبانو خبرې وکړې دا او دې ته ورته نور ورکشاپونه یې د پوځي چارواکو لپاره مهم او اساسي وبلل، تر څو دوی په پوځي زده کړو سربېره له معلوماتي ټکنالوژۍ سره هم بلدتیا پیدا کړي او د ګران هېواد افغانستان لپاره غوره خدمات وړاندې کړي.
دغه راز د ورکشاپ هغو بریالیو ګډونوالو ته ستاینلیکونه ورکړل شول، چې له ځانه یې په دې ورکشاپ کې وړتیا ښودلې وه.
