د لوګر ولایت قومي مشرانو سره ليدنه
دوشنبه ١٤٠١لمريز کال د غبرگولې٩
لوګر ولایت د سرحدنو، قومونو او قبايلو چارو رئیس مولوي محمد عالم رهبر د متاڼیو، دڼیو سيمو عیسی خېلو، او سلطان خېلو قومي مشرانو او مخورو سره دخپل کار په دفتر کې وکتل او د دوي ستونزې یې واورېدې.
په دغه کتنه کې ښاغلى مولوي رهبر د قومونو قدرمنو استازو تۀ ښه راغلاست ووايه ، اسلامي امارت يې د ټولو قومونو د حقوقو په ورکړه کې ژمن وبله وې ويل: د سرحدونو، قومونو او قبايلو چارو ریاست ستاسو گډ کور دی او هر وخت یې دروازه ستاسو پر مخ خلاصه ده.
همداراز يې د کوچیانو چارو آمریت د مدغم کېدو په اړه هر اړخيزې خبري وکړي زياته يې کړه چې د دواړو ادارو کارکونکي په پوره همغږي د اصولۍ چارو په تر سراوي کې د خلکو خدمت ته حاضر وي.
