د لوګر ولايت له قومي مشرانو سره ناسته
سه شنبه ۱۴۴۶/۶/۱۵
د سرحدونو، قومونو او قبايلوچارو وزارت د جرګو اوقبايلي چارو د همغږۍ معين الحاج مولوي محمد علي جان احمد نن له غرمې مخکې په خپل کاري دفتر کې د لوګر ولايت محمد آغې ولسوالۍ له قومي سپين ږيرو او مشرانو سره وکتل.
په دغه کتنه کې چې پر مهال يې د يادې ولسوالۍ لسګونه قومي مشرانو ګډون درلود خپلې ستونزې او مشکلات وړانديګې کړل او د دغه ولسوالۍ د دستک سيمې د زراعتي ځمکو د ملکيت په تړاو يې د مرستې او همکارۍ غوښتنه وکړه، ترڅو ياده ځمکه چې د دوی په وينا سلګونه کلونه پرې هستوګن دي له لاسه ونه وځي.
د سرحدونو، قومونو او قبايلو چارو وزارت د جرګو او قبايلي چارو د همغږۍ معين د دغو قومي سپين ږيرو خبرې واوريدې او د حل په موخه يې ډاډ ورکړ نوموړي وويل: موږ هڅه کوو چې د ولسونو لویو او وړو ستونزو ته پر وخت رسېدګي وکړو او ډاډ درکوو چې ستاسو ذکر شوې ستونزې به د حل په موخه د مسؤلو مشرانو سره شريکوو.
