د لوي او کوچني پامير له مشرانو او نماينده ګانو سره کتنه
د سرحدونو، قومونو او قبایلو چارو سرپرست وزير الحاج ملا نورالله نوري د لوي او واړه پامير له يو شمېر مشرانو سره وکتل.
دوی پاميرونو ته د ا.ا.ا په ځانګړې توجه خوښي څرګنده کړه او له ښاغلي نوري څخه يې مننه وکړه چي د دوی غوښتنو ته يې ښه انعکاس ورکړی او ستونزو ته يې رسيدنه شوې.
دوی د ا.ا.ا له لوري پامیریانو ته د لارې رغولو، مخابراتي او روغتیایي خدماتو او هڅو قدرداني وکړه او یو لړ نورې ستونزې یې د حل په موخه شریکې کړې.
ښاغلي نوري راغلو مشرانو ته له ښه راغلاست سره سم وویل: موږ ستاسې ستونزې د مربوطه ارګانونو تر څنګ د عاليقدر امیرالمؤمنین تر مقامه هم رسولې دي، نوموړي ډاډ ور کړ چې د پامیریانو د ستونزو حل ته د حکومت په کچه لومړیتوب ورکول کېږي.
هغه همداراز زیاته کړه: د پامیر له تېرو ۱۰۶ کالونو څخه د حکومت له هر ډول مرستې څخه بې برخې و خو د ا.ا.ا په راتګ سره اوس ددې سيمې وګړي د حکومت په چوکاټ کې رسمي دندې تر سره کوي.
