د قلعه ذال سرحدي ولسوالي له یو شمیر مشرانو سره کتنه
سه شنبه۲۶ جمادي الاول١٤٤٤
د کندز ولایت د سرحدونو، قومونو او قبایلو چارو رئيس ښاغلي مولوي احسان الله ثاقب قلعه ذال سرحدي ولسوالي ته د خپل سفر په ترڅ کې له یو شمېر ځایي قومي مشرانو سره د یادې ولسوالي په مقر کې وکتل. قومي مشرانو ښاغلي مولوي احسان الله ثاقب ته تر ښه راغلاست ويلو وروسته د مالداري په برخه کې خپلې ستونزې شریکې کړې او زیاته یې کړه چې اړونده اداره دې له موږ سره د مالداري د ودې او پراختیا او دغه راز د مالونو د درملو او نورو یو لړ توکو مرسته وکړي. ورپسې د سرحدونو، ق ق چارو رئيس مولوي احسان الله ثاقب له دوی سره په خبرو کې د یادې ستونزې په حل کې د همکاري ژمنه وکړه او له مشرانو یې وغوښتل چې خپلې ټولې ستونزې دې په کتبي ډول ورسره شریکې کړي تر څو يې د حل په موخه لازمي کړنې ترسره کړي.
