د فیض اباد ښار له يو شمېر ورزشکارانو سره لیدنه !
د سرحدونو او قبایلو چارو وزير محترم محب الله صميم بدخشان ولايت ته د خپل رسمي سفر په لومړۍ ورځ د خپلو ليدنو کتنو په دوام د ياد ولايت مرکز فېض اباد اړوند يو شمېر ورزشکارانو سر وکتل.
په ياده کتنه کې عبدالبصیر نیرومند له نظام څخه د ملاتړ په ترځ کې د نورو په استازیتوب په دغه ولايت کې د ورزشي لوبغالي د نشتون، ورزشکارانو ته د سالمو سپورتي ډګرونو د کمښت، د ورزشي سامان آلاتو او دې ته ورته نورو ورزشي ستونزو یادونه وکړه.
ورپسې ښاغلي صميم ورزشکاران د سولې د ټينګښت پتنګان وبلل، چې په جنګي حالاتو کې يې هم د لوبو په ګټلو سره د هېواد والو په شونډو کې موسکا خپره کړې ده.
ښاغلی صميم د دوې ستونزي یاداښت او ژمنه يې وکړه، چې د هوارولو لپاره به يې له مسٶلو ادارو سره شریکې کړي.
دغه راز ښاغلي وزیر صاحب له ځوان کهول څخه وغوښتل، چې د سولې د ټينګښت او جمهوري نظام د پاېښت لپاره خپلو هلو ځلو ته دوام ورکړي.
