د فاریاب په اندخوی کې له آقینې بندر څخه لیدنه وشوه
۲۷/۲/۱۴۴۵
د سرحدونو، قومونو او قبایلو چارو وزارت سرپرست وزیر الحاج ملا نورالله نوري د خپل کاري سفر په ترڅ کې د جوزجان ولایت د اندخوی ولسوالۍ له آقینې بندر څخه لیدنه وکړه. د دغې لیدنې پر مهال د مختلفو شرکتونو او اتحادیو استازو، ځایي مسؤلینو، قومي مشرانو او دیني عالمانو حضور درلود.
د داخله وزارت اړوند د پېښو پر وړاندې د مبارزې رئیس حافظ نورالله ورغلي پلاوي ته د ښه راغلاست په ویلو سره زیاته کړه چې د اندخوی ولسوالي د اشغال په دور کې قربانۍ ورکړې دي او د دوی د امانت داري له برکته د فتحې په وخت کې د آقینې بندر شتمني له چور څخه وساتل شوه.
د تجارانو، اتحادیو او قومي مشرانو په استازیتوب څو تنو خبرې وکړې په یاد بندر کې یې د خپلو ستونزې یاد اوري وکړه، دوی د امارت له مسؤلینو څخه خوښي وښوده او د پورته اسانتیاوو د برابرولو غوښتنه یې وکړه.
وروسته سرپرست وزیر ښاغلي نوري په خپله ځوابي وینا کې له ټولو کاروباریانو او مسؤلینو څخه د حوصله مندي غوښتنه وکړه او د ستونزو د حل په برخه کې یې دوی ته ډاډ ورکړ، نوموړي همداراز زیاته کړه چې دا ستونزې به تر لوړو مقاماتو رسوي او د پر لارو چارو به یې چټک کار کیږي.
