د غصب د مخنیوي کمیسیون د يوه پلاوي په مشرۍد فاریاب ولایت خواجه موسی ولسوالۍ ته سفر وکړ
۱۴۴۵/۹/۱۵
د غصب شویو ځمکو د مخنیوي او استرداد کمیسون ځانګړی هیئت چې د سرحدونو، قومونو او قبایلو چارو وزارت د سرحدي پلټنو د معین الحاج مولوي محمد اسماعیل غزنوي په مشرۍ جوړ شوی و، شمالي ولایتونو ته یې د ځینو موضوعاتو د څیړلو په موخه سفر وکړ.
د دغه سفر په ترڅ کې یې د فاریاب له والي او د ولایت له تخنیکي ټیم سره په ګډه د خواجه موسی ولسوالۍ له هغو سیمو څخه لیدنه وکړه چي د پښتونو د اسحاقزي او ازبک قومونو تر منځ په عامه مرعا رامنځته شوې موضوع وڅېړي.
د څېړنې پرمهال د دواړو طرفینو خبري او ادعاوې په دقیق ډول واورېدل شوې او سبا ورځ یې د فاریاب ولایت مقام ته له اسنادو او شواهدو سره وغوښتل تر څو یې موضوع د شریعت په چوکاټ کې وڅېړل شي او حل لارې ورته ولټول شي.
