د غصب د مخنیوي کمیسیون استازو د کندهار له والي سره وکتل
۱۴۴۵/۶/۵
د سرحدونو، قومونو او قبایلو چارو وزارت د سرحدي پلټنو معین مولوي محمد اسماعیل غزنوي او د یاد وزارت د کوچیانو چارو د سمون لوی رئیس مولوي ګل زرین کوچي د کندهار له والي الحاج ملا شیرین اخند سره د ولایت مقام د ناستو په تالار کې وکتل.
یاد پلاوی د غصب د مخنیوي په موخه ټاکل شوی و چې مولوي فضلالباري فضلي یې مشري کوله او د سرحدونو، قومونو او قبایلو چارو وزارت ته یې غړیتوب ورکول شوی و. ټاکل شوي هیئت د یاد ولایت له مسؤلینو سره د خلکو له لوري د غصب شویو ځمکو په اړه خبرې وکړې، د یاد کمیسیون د وروستیو فعالیتونو په اړه یې معلومات شریک کړل او په دغه برخه کې یې د ولایتي ادارې همکاري اړینه وبلله.
د کندهار والي ښاغلي حاجي ملا صاحب له یاد پلاوي څخه د چارو د لا چټکتیا غوښتنه وکړه او په خپله برخه کې یې د هر راز همکارۍ ډاډ ورکړ. ناسته د دُعا په ویلو سره پایته ورسېده.
