د غزني ولایت د یو شمېر مدني فعالانو ستونزې او وړاندیزونه واورېدل شول
د سرحدونو او قبایلو چارو وزیر ښاغلي محب الله صمیم نن مازدیګر د خپل کار په دفتر کې د غزني ولایت له یو شمېر مدنی فعالانو سره وکتل او په بېلابېلو برخو کې یې د هغوې ستونزې واورېدې.
په دې کتنه کې یادو مدني فعالانو د خپلو یو لړ ستونزو شریکولو ترڅنګ غزني ولایت ته د سرحدونو او قبایلو چارو د وزیر وروستی سفر چې د نظام او ملي ځواکونو ملاتړ ته یې د ولسي غوڼډې له لارې ولسونه رابللې وو، وستایه او دغه شان ولسي غونډې یې ګټوروې وبللې.
ورپسې د سرحدونو او قبایلو چارو وزیر ښاغلي محب الله صیم دوې ته ډاډ ورکړ، چې ستونزې به یې د حل په موخه له اړوندو چارواکو سره شریکې کړي.
ښاغلي صمیم دغه راز د غزني له ولسونو څخه مننه وکړه، چې په پراخه کچه یې د نظام او ملي ځواکونو ملاتړ وکړ.
د یو بل خبر له مخې: د سلیمان خېلو قومي مشرانو او مخورو نن مازدیګر د سرحدونو او قبایلو چارو له وزير ښاغلي محب الله صمیم سره په کتنه کې خپلې یو لړ ستونزې شریکې کړې، چې ورته د هوارولو ډاډ ورکړ شو.
