د غزني ولايت د جهان ملکه عالي ليسه کې د ښوونکي نړیواله ورځ ولمانځل شوه
١٤٤٤ دربيع الاول ٩مه
د غزني ولايت د جهان ملکه عالي ليسه کې د ښوونکي نړیواله ورځ د یو لړ شاندارو مراسمو په ترڅ کې و نمانځل شوه، په یاده غونډه کې د د غزني سرحدونو، قومونو او قبايلو چارو رئيس د همدې لیسې شاګردانو او استادانو او یو شمېر نورو چارواکو هم ګډون کړی وو. غونډه د قرآن کریم په تلاوت سره پيل شوه چې وروسته د غزني ولايت د سرحدونو، قومونو او قبايلو چارو رئيس ښاغلي مولوي محمد اسحاق ادريس د جهان ملکه عالي ليسې ښوونکو ته د ښوونکي د ورځې په مناسبت مبارکي او د ښوونکي د لوړ مقام په بیانولو سربيره ډاډ ورکړ، چې اسلامي امارت به د شته امکاناتو په چوکاټ کې د دوی د اقتصادي وضعیت د ښه والي لپاره خپلې ټولې هڅې په لاره اچوي. ورپسې ياده غونډه د یو شمیر زده کوونکو له خوا د ښوونکي د ورځې په ویاړ د ترتیب کړو ترانو، شعرونو، لیکنو په ویلو او دغه راز ښوونکو ته د ګلانو د ګیډیو په ورکولو سره پای ته ورسېده.
