د غزني ولايت د امنيتي وضعيت د لا ښه کېدو په موخه امنيتي غونډه جوړه شوه!
په ياده غونډه کې د سرحدونو او قبايلو چارو وزير ښاغلي محب الله صميم، د ملي دفاع وزارت د لوى درستيز لومړي مرستيال، د غزني مرستيال والي، امنيه قوماندان او د ياد ولايت امنيتي چارواکو او منسوبينو ګډون درلود.
د غونډې ګډونوالو د غزني ولايت د امنيتي وضعيت د لا ښه کېدو په اړه خپل نظريات له يوبل سره شريک کړل او اړوندو امنيتي مسوولينو ته د اړينو لارښوونو ترڅنګ، دنده وسپارل شوه، چې په خپل ټول ځواک سره په دې برخه کې خپلو هلو ځلو ته دوام ورکړي او دښمن ته اجازه ورنکړي چې په دې ولايت کې د خلکو ژوند وګواښي او يا هم ورانکاري فعاليتونه ترسره کړي.
