د غزني له والي سره ناسته!
د سرحدونو او قبایلو چارو وزیر ښاغلي محب الله صميم او مل پلاوي غزني ته د خپل رسمي سفر په ترڅ کې نن سهار د غزني له والي ښاغلي سيد عمر نورستاني سره د ولايت پر مقر کې وکتل.
په دې کتنه کې لومړی د غزني والي پلاوي ته ښه راغلاست ووايه او په ياد ولایت کې يې يو لړ شته ستونزې له ښاغلي محب الله صميم سره شریکې کړې.
ورپسې ښاغلي صميم د خپلو خبرو په ترځ کې وویل: د سرحدونو او قبایلو چارو وزات له ولسونو او قومونو سره له نږدې کار کوي او د ولسي غونډو له لارې خلک د جمهوري نظام او ملي امنيتي_ دفاعي ځواکونو ملاتړ ته رابولي.
ښاغلي صميم د ولايتي ادارې چارواکو ته ډاډ ور کړ، چې د خپل همدې سفر په ترڅ کې به د غزني له بېلابېلو اقشارو سره له نږدې وګوري او د خلکو ستونزو ته به له قومي مشرانو سره په ګډه حل لارې مومي.
ټاکل شوې ده، چې د سرحدونو او قبایلو چارو وزیر او ورسره پلاوی به د دې سفر په ترڅ کې له ګڼ شمېر قومي مشرانو، ځوانانو او مدني فعالانو سره له نږدې وګوري او ستونزې يې واوري.
