د عبدالقادر کوچي د عالي ليليه ليسې د دوولسم ټولګۍ د فارغانو غونډه
پرون دوشنبه 1401/3/16 مه نېټه د عبدالقادرکوچي عالي ليليه ليسې د 1400 ـ 1401 ښوونیز کال د یوولسمې دورې د دولسم ټولګي د فارغانو غونډه په یاده لېسه کې نیول شوي وه ، چې په کې د سرحدونو، قومونو او قبایلو چارو وزارت د داخلي تفتیش غړو ، د سره رود د نظارت آمر او ورسره مل پلاوي، ننګرهار پوهنتون استادانو او قومي مشرانو ګډون کړې وؤ. په یاده غونډه کې د دولسم ټولګی فارغو زده کوونکو له لوري د لېسې آمر ته د اعزاز لونګۍ ورپرسر کړه . د عبدالقادرکوچي عالي ليسه چي د سرحدونو قومونو او قبایلو چارو وزارت د تعليم او تربيې رياست اړوند ليسو څخه ده چي سلګونه ليليه زده کونکي لري او هر کال لسګونه زده کونکي له دوولسم ټولګۍ څخه فارغيږي .
