د عامه بنسټونو له منځه وړل او ويجاړول تر ټولو ستر ملي خیانت او جهالت دی!
په فراه ولایت کې د انار درې ولسوالۍ ودانۍ د وحشي دښمن له لوري په بمونو باندې الوزول د دې ښکارندویي کوي، چې بې رحمه او له تمدنه لیرې دښمن سولې، د هېواد ابادۍ او پرمختګ ته هېڅ راز ژمنتیا نلري. دوی یوازې د هېواد د بربادۍ او د پرمختګ د مخنیوي مخه د پردیو اجنډاوو پر اساس مخته وړي. زه دښمن ته دا وایم، چې تاسو به دا ارمان ګور ته یوسئ، چې افغانستان به ګنډواله او ولسونه به یې نورو هېوادونو ته مهاجرت ته اړ کړئ. پر ولسونو مې غږ دا دی، چې د خپل ښوونځي، سړک، جومات، روغتون،پوهنتون او عامه بنسټونو په ساتنه او پالنه کې له حکومت سره همکاري وکړئ او د دې بې رحمه او وحشي د ښمن پر وړاندې سره یو او منسجم شئ او اجازه مه ورکوئ، چې ستاسو عامه بنسټونه وران کړي. محب الله صمیم د سرحدونو او قبایلو چارو وزیر
