د طورخم دروازې څخه د تلونکو مسافرو او راستنېدونکو مهاجرینو ستونزې واورېدل شوې
۱۴/۷/۱۴۴۵
د سرحدونو، قومونو او قبایلو چارو سرپرست وزیر الحاج ملا نورالله نوري ننګرهار ولایت ته د خپل رسمي سفر په ترڅ کې ګاونډي هیواد ته د اوښتونکو ناروغانو او راستنېدونکو مهاجرینو سره وکتل او د هغوی ستونزې یې له نږدې واورېدې.
د لیدنې پر مهال ښاغلي نوري د طورخم دروازې له لوري تلونکو مسافرو، ناروغانو او اجباري راستنېدونکو مهاجرینو ته ډاډ ورکړ چې په دغه بهیر کې ښکېل مسؤلین په ټولو برخو کې خپلو دندو ته پوره متوجه دي او تاسې ته د سهولتونو رامنځته کولو لپاره پوره هڅه کوي.
د یادونې وړ ده چې د یادې کتنې په وخت کې د مهاجرینو او راستنېدونکو چارو سرپرست وزیر حاجي خلیل الرحمن حقاني هم حضور درلود.
