د شیخ محمد روحاني قوم له یو شمېر قومي مشرانو سره کتنه!
د سرحدونو او قبایلو چارو وزیر ښاغلي ملا نورالله نوري د ۱۴۴۳ هجري قمري کال د ربيع الثاني په ۱۹مه په نېټه د شیخ محمد روحاني قوم له یو شمېرمشرانو سره وکتل.
په یاده لیدنه کې د نورو په استازېتوب ښاغلي رحمت ګل رسولي په خپلو خبرو کې یو لړ ستونزې د حل په موخه شریکې کړې له اسلامي امارت څخه یې خپل ملاتړ څرګند او د هر ډول همکاريو داډ يې ورکړ.
ورپسې د سرحدونو او قبایلو چارو وزیر ښاغلي ملا نورالله نوري په خپلو خبرو کې افغانستان د ټولو درنو قومونو ګډ کور وباله، وی ویل: چې همدغو درنو قومونو د تاریخ په اوږدو کې له خپلو حکومتونو سره څنګ په څنګ د پردیو یرغلګرو په وړاندې دفاع کړې ده او د دې هېواد برم او هویت یې ساتلی دی. نوموړي زیاته کړه: اوس مهال هم ټول درانه قومونه د افغانستان د اسلامي امارت ترڅنګ ولاړ دي موږ او تاسو به په ګډه د ستونزو د حل لپاره کار کوو.
