د سرحدونو قومونو او قبایلو چارو وزارت سرپرست د میدان وردګ ولایت له والي سره وکتل
نن د سرحدونو قومونو او قبایلو چارو وزارت سرپرست الحاج ملا نورالله نوري د میدان وردګ ولایت له والي قاري بختیار معاذ سره د ولایت په مېلمستون کې وکتل او پر یو لړ موضوعاتو یې خبرې وکړې. ښاغلي نوري په یاد ولایت کې د دې ولایت له والي سره د کوچیانو او ده نشینو پر ځینو ستونزو او د هغوی د حل پر لارو چارو مفصلې خبرې وکړې چې د سفر اصلي هدف یې هم همدا یاد کړ، وروسته د یاد ولایت والي ښاغلي بختیار د یادو موضوعاتو په اړه ډاډ څرګند کړ او د دوامدارې همکارۍ ژمنه یې وکړه، تر دې وړاندې هم د سرحدونو قومونو او قبایلو چارو وزارت سرپرست یاد ولایت ته د قومونو د ستونزو د اورېدلو، یووالي او له هغوی سره د همغږۍ د غونډو د جوړولو په موخه سفرونه تر سره کړي وو.
