د سرحدونو د پلټنې معین د معرفت غونډه ترسره شوه

mobta-af
سه‌شنبه ۱۴۰۱/۱۱/۲۵ - ۱۸:۲
Mobta

سه شنبه د رجب المرجب /۲۳/ ۱۴۴۴

د سرحدونو، قومونو او قبایلو چارو وزارت اړوند د سرحدونو د پلټنې معین د یاد وزارت مسؤلینو او کارکونکو ته د یوې غونډې په ترڅ کې ور وپېژندل شو. غونډه د یاد وزارت د غونډو په تالار کې ترسره شوه، چې پر مهال یې د یاد وزارت سرپرست الحاج ملا نورالله نوري، مسلکي معین، د وزارت ټولو رئیسانو، او نورو کارکوونکو ګډون کړی وو. په پیل کې سرپرست وزیر الحاج ملا نورالله نوري د هرې دندې ترلاسه کول یو ستر مسؤلیت وباله او ویې ویل: هر څومره مو چې دنده لوړېږي زموږ د مسؤلیتونو پېټي درندیږي چې دا هره دنده او مسؤلیت زموږ لپاره د الله ج له لوري یو امتحان دی، خدای ج مو دي په دې امتحان کې کامیابه کړي. نوموړي په خپله وینا کې د نوې ټاکل شوي معین الحاج مولوي محمد اسماعیل غزنوي په اړه ګډونوالو ته وویل:

Mobta

مولوي محمد اسماعیل غزنوي د ا.ا.امارت له تير حاکميت نه تر اوسه په پوره اخلاص په نظام کې درېدلی او پر بيلابيلو مسؤليتونو پاتي شوی د جهاد په تېرو شلو کلونو کې کې يې هجرت، زندان او نورې جهادي ستړياوې ګاللې، په نوي مسؤليت کې ورته د موفقيت دعا کوو. ښاغلي غزنوي تر دې وړاندې د سرحدونو، قومونو او قبایلو چارو وزارت د جرګو او قبایلي چارو د همغږۍ رئيس په توګه دنده تر سره کوله چې اوس د اميرالمؤمنين په حکم ددې وزارت د سرحدي پلټنو او بررسي د معين په توګه وټاکل شو. وروسته د بشري سرچینو رئیس مولوي کریم شاه تیلوي د امیرالمؤمنین حکم د نوي ټاکل شوي معین په اړه واوراوه. د غونډې په وروستۍ برخه کې نوی ټاکل شوی معین الحاج مولوي محمد اسماعیل غزنوي وویل: د خدای جل جلاله ډير شکر ګذار یم چې یو خپلواک اسلامي نظام یې موږ ته راکړی او له الله ج څخه په خپل نوي را سپارل شوي مسؤلیت کې توفیق غواړم، الله جل جلاله دي وکړي، چې د سرحدونو د ساتنې، خپل مسؤلیت د سمې اداینې او هیواد ته د خدمت په برخه کې خپل مسؤلیت په صداقت سره ادا‌ کړم. غونډه په دعا کولو سره پای ته ورسېده.

تازه خبرونه

دوشنبه ۱۴۰۳/۲/۳۱ - ۱۳:۵۸
Background image

په بلخ کې د دوو کورنیو ترمنځ شخړه حل شوه


۱۲/۱۱/۱۴۴۵

د بلخ ولایت دولت آباد ولسوالۍ د تلي ګک په سیمه کې یوه کورنۍ شخړه چې شاوخوا یو کال مخکې را منځته شوې وه، د یاد ولایت د د سرحدونو قومونو او قبايلو چارو ریاست، علماوو  او د. . .

شنبه ۱۴۰۳/۲/۲۹ - ۱۴:۲۹
Background image

په ننګرهار کې د (۱۰) کلنې دُښمنۍ حل

۱۰/۱۱/۱۴۴۵

 د ننګرهار ولایت شینوارو ولسوالۍ په غني خېل کوتلي سیمه کې د دوو کورنیو تر منځ د ځمکې پر سر رامنځته شوې دُښمني چې له دواړو لوریو څخه پکې ۳ تنه وژل شوي وو، تېره ورځ د امارتي. . .

شنبه ۱۴۰۳/۲/۲۹ - ۱۴:۲۶
Background image

په تخار ولایت کې له سېلاب ځپلو کورنیو سره مرسته وشوه

۱۰/۱۱/۱۴۴۵

د سرحدونو، قومونو او قبایلو چارو وزارت د همکارې (د افغان ماشومانو لپاره د جرمنې مرستې) مؤسیسې په مالي همکارۍ د تخار ولایت په چال ولسوالۍ کې له (۱۰۱) سېلاب ځپلو کورنیو سره د. . .

BACK TO NEWS