د سرحدونو او قبایلو چارو وزیر محترم محب الله صمیم بلخ ولایت ته د خپل رسمي سفر په ترڅ کې د مندوزیو شورا له مشرتابه او غړو سره وکتل
د سرحدونو او قبایلو چارو وزیر او ورسره مل پلاوي د مندوزیو شورا پخواني رییس مرحوم الحاج محمد یوسف سنایي زاده فاتحې مراسم پرځای او د نوموړي پاک روح ته يې دعا وکړه.
ښاغلي محب الله صميم او ورسره پلاوی د مرحوم حاجي سنایي زاده ورور او ځایناستي حاجي امام الدین سنایي زاده ته تسلیت ووایه او د هېواد په شمال کې یې د ملي وحدت په ټینګښت او د ولسونو ویښتابه کې د مرحوم سنایي زاده کړنې نه هېرېدونکې وبللې.
د سرحدنو او قبایلو چارو وزیر بلخ ولایت ته د خپل رسمي سفر په ترڅ کې له ولسونو او د بېلابېلو قومي مشرانو سره لیدنې لري.
