د سرحدونو او قبایلو چارو وزارت په هېواد کې د ټولو قومونو او قبایلو ګډ کور دی!
د افغانستان اساسي قانون د څلورمې مادې د درییمې فقرې پر بنسټ د افغانستان ملت له پښتون، تاجک، هزاره، ازبک، ترکمن، بلوچ، پشه یي، نورستاني، ایماق، عرب، قرغیز، قزلباش، ګوجر، براهوي او نورو درنو قومونو څخه جوړ دی. د افغان کلمه د افغانستان د ملت پر هر فرد اطلاق کېږي.
د وزارت هڅه او لومړیتوب دا دی، چې د درنو قومونو تر مینځ یووالي رامنځته او ټول د نظام، امنیتي او دفاعي ځواکونو، جمهوریت او د ملي ګټو د ملاتړ په پار په یو واحد صف کې سره منسجم کړي.
دښمن چې تل یې هڅه کړې تر څو زموږ په هېواد کې د وروڼو قومونو تر مینځ بېلوالی رامنځته کړي، خو هېڅکله به دې موخې ته ونه رسېږي. دا هېواد د ټولو درنو قومونو ګډ کور دی او به په ګډه دې هېواد او ولس ته کار کوو.
محب الله صمیم
د سرحدونو او قبایلو چارو وزیر
