د سرحدونو او قبایلو چارو وزارت ته عظيم اشان د قرآن شريفونو سپارل!
د حج او اوقاف وزارت له خوا ۵۰۰ ټوکه ژباړل شوي قران شریفونه د سرحدونو او قبایلو چارو وزارت د تحقیق او مطالعاتو ریاست ته سپارل شوي، چې په دې کې ۲۵۰ ټوکه په پښتو او ۲۵۰ ټوکه په درې ژبې ژباړل شوي دي.
د حج او اوقافو وزارت له خوا د سرحدونو او قبايلو چارو وزارت مقام لپاره دوه ټوکه قران شريفونه او مننليک ځانګړي راستول شوي وه، چې نن د تحقيق او مطالعاتو د رئيس ښاغلي جاويد احمد وفا له خوا د وزارت مسلکي مرستیال ښاغلي ډاکټر فریدون بارکزي ته وسپارل شول.
د سرحدونو او قبایلو چارو وزارت مسلکي مرستیال ښاغلي ډاکټر فریدون بارکزي په خپلو خبرو کې د حج او اوقاف وزارت څخه د دې نیک کار له امله مننه وکړه او د تحقیق مطالعاتو رئيس ښاغلي جاوید احمد وفا ته یې لارښوونه وکړ، چې یاد قران شریفونه د وزارت کارکونکو او د وزارت اړوند لېسو زده کوونکو ته د تلاوت لپاره توزیع کړي.
