د سرحدونو ،قومونو او قبایلو چارو وزارت لوړ رتبه پلاوي په کندوز ولایت کې د سپین زر دولتي شرکت څخه لیدنه وکړه.
د سرحدونو ،قومونو او قبایلو چارو وزارت د جرګو معین الحاج ملا عبدالخالق (عابد) ، د جرګو رئیس الحاج مولوي محمد اسماعيل (غزنوي) او ورسره مل پلاوي د کندز ولایت له سپین زر دولتي شرکت څخه په داسې حال کې لیدنه وکړه چې پر مهال یې د یاد شرکت مالي او اداري مرستیال رحمن الله «رحماني» هم حضور درلود.
یاد شرکت په کال ۱۳۱۴ هـ ش تأسیس شوی چې اساسي فعالیت یې د پنبي پروسس ، له چګدڅخه غوړي اوپاتي موادوڅخه یې صابون ، کنجاړه،پوستک اولنتر ترلاسه کول وو.
داشرکت پر ۷۴ جریبه ځمکه جوړ دی، د یادوني وړ ده چې داشرکت دجمهوریت په وخت کې په مکمل ډول تخریب، ټولې کار خونې یې درېدلې او ماشینونه یې له منځه وړل شوي وو؛ لله الحمد د ا.ا.ا په راتګ سره د یاد شرکت ټولې ودانۍ له سره په اساسي ډول رغول شوې چې اوس مهال په لاندي برخوکې تولیدي فعالیت پیل شوی:
۱ـ د دستمال کاغذي او پخلنځي رول.
۲ـ د وطني زغرو پروسس (تیل).
۳ـ دکنګل ۱۲۶۰ کُندو تولید
۴ـ ددانه داري پنبي او مالوچو پروسس
۵ـ دپلاستیکي ۳او ۵ لیتره بوتل جوړول
او د دې تر څنګ د تیل کشي (غوړیو)او صابون ماشینونه تر کار لاندې دي، چې د دې په فعالېدو به زرګونه افغانان پر کار شي.
یاد پلاوي د شرکت رهبري له مخلصانه کړنو ستاینه اومننه وکړه او د هغوی چټک کارونه یې د هېواد او ولس لپاره مهم او ګټور وبلل.
