د سرحدونو، قومونو او قبایلو چارو وزارت مسؤلینو د داخلي تولیداتو له نندارتون څخه لیدنه وکړه

mobta_admin
چهارشنبه ۱۴۰۱/۱۲/۲۴ - ۱۹:۳۴
mobta

چهارشنبه ۲۲ / شعبان المعظم/ ۱۴۴۴

د کابل ولایت په بادام باغ سیمه کې د کرهڼې اوبو لګونې او مالدارۍ وزارت له لورې د ۱۴۰۲ کال د پسرلي د هرکلي په پار د بزګر ميله او د کورنیو تولیداتو ۲۸ نندارتون جوړ شوی وو، چې د هیواد ګڼ شمېر زراعتي توليدات، لاسي صنایع، د کوچيانو د مالدارۍ محصولات او لبنيات پکې نندارې ته ايښودل شوي وو. په دغه نندارتون کې د کابينې د نورو مشرانو تر څنګ د سرحدونو، قومونو او قبایلو چارو وزارت د جرګو او قبایلي چارو د همغږۍ معین الحاج ملا عبدالخالق عابد، د سرحدونو د پلټنې معین الحاج مولوي محمد اسماعیل غزنوي، د کوچيانو چارو سمون لوی رئيس مولوي ګل زرين کوچي، ورسره مل پلاوي او ګڼ شمېر ولسي خلکو ګډون کړی وو. په ياد نندارتون کې سلګونه غرفې د کورنيو توليداتو د عرضه کولو لپاره صنعت کارانو او سوداګرو ته په واک کې ورکړل شوې وې تر څو خپلو توليداتو او محصولاتو ته مناسب بازار ومومي او هيوادوال د وارداتي توکو پر ځای له خپلو توليداتو څخه ګټې اخیستنې ته وهڅوي او له دې لارې د خپلو بزګرانو او مالدارانو ملاتړ وکړي. کوچيان چې په مالدارۍ او له دې لارې د ترلاسه کيدونکو لبنياتو، غوښو پوستوکو او وړيو په توليدولو کې ستره ونډه لري هم د خپلو محصولاتو ځينې يې نندارې ته وړاندې کړي وو چې ګډونوالو ورڅخه پر نوبت ليدنه تر سره کړه.

تازه خبرونه

سه‌شنبه ۱۴۰۲/۹/۱۴ - ۹:۵۶
Background image

په بادغيس ولایت کې له قومونو سره د يووالي او همغږۍ غونډه

 

 ١٦د جمادي الاول١٤٤٥

 

د بادغيس ولایت په مرکز کې له قومونو سره د یووالي او همغږۍ په جوړه شوې غونډه کې د سرحدونو، قومونو اوقبایلو چارو وزارت د ښوونې او روزنې رئيس مولوي عبدالرحمان ر. . .

پنجشنبه ۱۴۰۲/۹/۹ - ۱۲:۳۵
Background image

( افغانستان له مختلفو قومونو جوړ هيواد او  وګړي يې د ملي وحدت تر اصل لاندې د يوه اسلامي نظام او يوه امير اطاعت کوي)

 

سه شنبه ۱۵ جمادلاول ۱۱۴۵

د سرحدونو، قومونو او قبايلو چارو سرپرست وزير  الحاج ملا نور الله نوري نن سه شنبه د هېواد د بېلابېلو ولایتونو څخه د راغلو بلوڅ قوم له مشرانو، دینی عالمانو او. . .

پنجشنبه ۱۴۰۲/۹/۹ - ۱۲:۲۱
Background image

د لوي او کوچني پامير له مشرانو او نماينده ګانو سره کتنه

 


د سرحدونو، قومونو او قبایلو چارو سرپرست وزير الحاج ملا نورالله نوري د لوي او واړه پامير له يو شمېر مشرانو سره وکتل‌.
دوی پاميرونو ته د ا.ا.ا په ځانګړې توجه خوښي څرګنده کړه او له. . .

BACK TO NEWS