د سرحدونو، قومونو او قبایلو چارو وزارت لوړ رتبه پلاوي د ارزګان له والي سره وکتل
جمعه رجب المرجب ۵/۱۴۴۴
د سرحدونو، قومونو او قبایلو چارو وزارت د جرګو او قبایلي چارو د همغږۍ معین الحاج ملا عبدالخالق عابد او مل پلاوي نن د ارزګان له والي الحاج ملا علي جان احمدزي سره وکتل، چې پر مهال یې د دې ولایت د آمریت آمر مولوي هدایت الله هم شتون درلود. د ارزګان والي د یاد ولایت د قومونو د اتحاد په اړه پلاوي ته پوره ډاډ ورکړ او زیاته یې کړه چې په دغه ولایت کې ټول قومونه د یووالي پر ټغر سره راټول دي. د یاد وزارت پلاوي او د ارزګان ولایت محترم والي په همدې ولایت کې د یوې پراخې ولسي غونډې د حوړېدو په اړه خپلې مشورې او پلانونه سره شریک کړل.
