د سرحدونو، قومونو او قبایلو چارو وزارت د جرګو او قبایلي چارو د همغږۍ معين او ورسره مل پلاوي د بلخ ولايت د سرحدونو ق.ق چارو له ریاست څخه لیدنه وکړه.
۲۴/۱۴۴۴ ربیع الاول پنجشنبه
د سرحدونو، قومونو او قبایلو چارو وزارت د جرګو او قبایلي چارو د همغږۍ معين الحاج ملا عبدالخالق عابد، د جرګو رئيس الحاج مولوي محمد اسماعيل غزنوي، د کوچیانو د اسکانو رئیس مولوي محمد نادر سنګین او د قومونو قبایلو چارو د ریاست استازی مولوي شمس الرحمن زاهد له یاد ریاست څخه په داسې حال کې لیدنه وکړه چې پر مهال یې د همدې ریاست رئیس مولوي عبدالحبیب رحماني هم حضور درلود.
ښاغلي رحماني د پلاوي له ورتلو څخه مننه وکړه او ښه راغلاست یې ورته ووایه، یاد پلاوي د همدې ریاست چارې و ارزولې او په دې ولايت کې د قومي او ولسي غونډې دايرولو په اړه یې مفصلې خبرې او مشورې وکړې.
د يادونې وړ ده چي د جرګو معينيت په پام کې لري له پلان سره سم په نژدې ورځو کې د بلخ په ولايت کې هم د قومونو د يووالي او همغږۍ غونډه جوړه کړي.
