د سرحدونو، قومونو او قبايلو چارو وزارت او اړيکو دفتر (TLO) مؤسسې ترمنځ د دوه اړخیزه همکاریو هوکړه!

khoram_admin
دوشنبه ۱۴۰۳/۸/۷ - ۱۴:۲۷
هوکړه

 

دوشنبه ۲۵/۴/۱۴۴۶

نن له غرمې مخکې د سرحدونو، قومونو او قباپلو چارو وزارت او د اړیکو دفتر مؤسسې تر منځ د پراختیایي چارو او دوه اړخیزو همکاریو په موخه هوکړه وشوه چې پر مهال یې د جرګو او قبایلو چارو د همغږۍ مرستیال مولوي محمد علي جان احمد، د مقام د دفتر رئيس مولوي نيازمحمد تقي، د جرګو او قبايلو چارو د همغږۍ رئيس شيخ نیک محمد افغاني، د ښوونې او روزنې رئيس مولوي عبدالرحمن رحماني، د بشري زېرمو رئيس مولوي کريم شاه تېلوي او د کوچيانو د څړځايونو او اقتصادي چارو د رئيس مفتي لعل محمد منيب او د اړیکو دفتر مؤسسې مرستيال انجنير عبدالرحيم خُرم او د دفتر استازي ډاکټر شعيب ارسلان پکې ګډون کړی وو. 

د دغې هوکړې له مخې به د اړيکو دفتر (TLO) له دغه وزارت سره په همغږۍ د علماوو، قومي مشرانو، متنفذينو، کوچيانو، او ځوانانو په ملتیا د ولسي جرګو او مرکو له لارې د شخړو د حل په برخه کې د مرستې ترڅنګ، د کوچيانو عمده ستونزو ته رسېدنه کوي، د غير قانوني کډوالۍ مخنيوی به کوي، ځوانانو ته د کاري فرصتونو برابرولو، د کوچنيو مالي مرستو پروګرامونو جوړولو، پلچکونو، روغتونونو او ښونځيو د ترميم په برخه کې به همکاري کوي او د پراختیایي چارو او پروژو اړوند مالي لګښتونه به د اړيکو دفتر (TLO) له لوري ورکول کېږي.  

په هوکړه ليک کې د ذکر شویو مواردو په بنا د سرحدونو، قومونو او قبايلو چارو وزارت به د خپلو اړونده رياستونو او امريتونو له لارې د پروګرامونو د لاښه پلي کولو او غوره همغږۍ په موخه د اړيکو دفتر (TLO) مؤسسه په رسمي ډول خپلو اړوند ارګانونو ته ورپېژني او په سيمه ييزه کچه د غونډو په دايرولو او په نورو اړوند چارو کې به له یادې مؤسسې سره همکاري کوي. د هوکړې په وروستیو کې د جرګو او همغږۍ مرستیال ښاغلي احمد او د اړيکو د دفتر مؤسسې مرستيال انجنير عبدالرحيم خُرم هوکړه لیک لاسلیک کړ او په دوه اړخیزه همکاري یې ټینګار وکړ

تازه خبرونه

دوشنبه ۱۴۰۴/۱۲/۲۷ - ۱۲:۴
Background image

د سرحدونو، قومونو او قبایلو چارو وزارت اړوند بایزید روښان کثیرالرشتوي انستیتیوت د ١٤٠٤ ښوونیز کال کانکور د ازموینو پایلې

د کانکور پایلې

د سرحدونو، قومونو او قبایلو چارو وزارت اړوند بایزید روښان کثیرالرشتوي انستیتیوت د ١٤٠٤ ښوونیز کال کانکور د ازموینو پایلې

شنبه ۱۴۰۴/۱۲/۲۵ - ۱۹:۳
Background image

د بایزید روښان کثیرالرشتوي انستیتیوت کانکور ازموینه واخیستل شوه

د بایزید روښان کثیرالرشتوي انستیتیوت کانکور ازموینه واخیستل شوه

 

شنبه ۱۴۴۶/رمضان المبارک/۱۵

 

د سرحدونو، قومونو او قبایلو چارو وزارت اړوند بایزید روښان کثیرالرشتوي انستیتیوت ته د. . .

پنجشنبه ۱۴۰۳/۱۲/۲۳ - ۱۲:۲۴
Background image

د علیزي قوم دوه خېلونه له ۱۵ کلنې بدي وروسته سره پخلا شول

پنجشنبه ۱۴۴۶/رمضان المبارک/۱۳

د هرات ولایت د سرحدونو، قومونو او قبایلو چارو رئیس مولوي جمال الدین عمري او مل هیئت، د سیمه ییزو قومي مشرانو، دیني عالمانو او ځایي مسؤلینو په ګډو هڅو او. . .

BACK TO NEWS