د سرحدونو،قومونو او قبایلو چارو سرپرست وزیر د زابل ولایت ارغنداب ولسوالي ته سفر وکړ.
۱۴۴۴/۲/۱۵
د سرحدونو،قومونو او قبایلو چارو سرپرست وزیر الحاج ملا نورالله نوري د یادې ولسوالۍ له علماوو،قومي مخورو او خلګو سره د يوې سترې غونډې په ترڅ کې وکتل.
غونډه چې د ارغنداب ولسوالۍ د مسؤلينو په شمول له ټولو سيمو څخه مشرانو، پخوانيو جهادي قومندانانو او علماوو شرکت پکې کړی وو په نمايندګي يې څو تنو مشرانو او ديني عالمانو خبرې وکړې. د ارغنداب ولسوال ملا نوراغا راحت د ښه راغلاست تر څنګ د سرحدونو، قومونو او قبایلو چارو له سرپرست ښاغلي نوري څخه مننه وکړه چي د ارغنداب لري پرتې او محرومې ولسوالۍ ته د ولس د حال پوښتلو ته راغلی.
مولوي محمد رحيم صاحب، د علماؤ شورا غړي مفتي عزيز الله طيب صاحب او د وزارت د دعوت او ارشاد رئيس مولوي شفيع الله ثاقب هم ويناوې وکړې.
په پاي کې ښاغلي نوري هر اړخيزه وينا وکړه، نوموړي پخپلو خبرو کې وويل: اسلامي امارت ژمن دی چې هېوادوالو ته د ژوند په هره برخه کې ښه خدمات وړاندي کړي او د خلګو ستونزو ته پر وخت رسېدګي وشي.
نوموړي د هيواد د ښيرازۍ او ارتقاء لپاره خلک خپلمنځي جوړجاړي، يووالي او وحدت ته راوبلل.
د یادولو وړ ده چې تيره يوه اوونۍ کې ښاغلي نوري د همدې ولایت څو نورو ولسوالیو ته هم رسمي سفرونه تر سره کړي وو چي د خلکو ستونزې او هغه مالي خسارې چي وروستيو سيلابونو، د يادې سيمې خلکو ته اړولې وې له نژدې واورېدل شوې او د همکارۍ ډاډ ورکول شو.
