د زرخېلو او اندړو قومونو ترمنځ شخړه پای ته ورسېده.
١٤٤٤قمري کال د ربيع الثاني٢
د غزني ولایت د زرخيلو او اندړو قومونو تر منځ شخړه وروسته تر ډېرو ناخوالو او لانجو په دوستۍ بدله شوه.
د همدې ستونزې د حل په موخه د ياد ولايت د سرحدونو، قومونو اوقبایلو چارو رئیس ښاغلي مولوي محمد اسحاق ادريس په مشرۍ يو شمېر ځايي قومي مشرانو او مخورو د روانې شخړې د حل په موخه له دواړو قومونو وغوښتل چې له جګړې لاس واخلي او سوله اییز ژوند ته مخه کړي، دغه راز په پاي کې د ښاغلي ادريس او قومي مشرانو د اسلامي احکامو په رڼا کې پرېکړه وکړه او د دواړو قومونو ترمنځ يې شخړه پای ته ورسول.
