د خوست او پکتیا ولایت له قومي مشرانو سره ناسته
٢٤/٨/١٤٤٥ ھ ق
د سرحدونو، قومونو او قبایلو چارو سرپرست الحاج ملا نور الله نوري نن سه شنبه د ناستو په تالار کې د خوست او پکتیا ولایت د برمل او سپېره ولسوالیو له بېلابیلو قومي مشرانو سره داسې مهال وکتل چې د وزارت د جرګو او قبایلو چارو د همغږۍ معین مولوي محمد علي جان احمد هم حضور درلود.
د غونډې پر مهال قومي مشرانو د اسلامي امارت له مسؤلینو خوښي څرګنده کړه او د حاکم نظام د دوام او قیام دعا یې وکړه، قومي مخورو د ځینو ځایي ستونزو د حل غوښتنه وکړه.
د جرګو او قبایلو چارو د همغږۍ معین ښاغلي احمد د یادو قومونو په شل کلن انقلاب کې ستړیاوي وستایلې او دوی ته یې ډاډ ورکړ چې ستاسو ستونزي زموږ ستونزې دي، د حل لارې به ورته ګورو.
په پای کې ښاغلي نوري راغلیو قومي مشرانو ته ښه راغلاست ووایه او زیاته یې کړه چې تاسې په تېر انقلاب کې زحمتونه او تکالیف وګالل، نن ستاسې هره ستونزه، مشقت موږ په سترګو منو، تر څو چې مو وس وي، د حل لارې ورته ګورو، او ستاسې همکار به یو.
