د خلکو له استازي سره ناسته!
د سرحدونو او قبایلو چارو سرپرست او نوماند وزیر ښاغلي محب الله صمیم نن له غرمې مخکې په ولسي جرګه کې د ننګرهار ولایت د خلکو له استازي ښاغلي عبدالکریم کریمي سره د خپل کار په دفتر کې وکتل.
په دې کتنه کې د سولې او امنیت په ټینګښت، په هېواد کې د مېشتو درنو قومونو په یووالي، د دوی د ستونزو په هوارولو، د وزارت په اړوندو لېسو کې د یاد ولایت د نا امنو او لرو پرتو سیمو ځوانانو ته د زیاتې ونډې ورکولو او نورو ملي مسایلو په اړه بحث او خبرې وشوې او په ګډو هلو ځلو یې ټینګار وکړ.