د جلالتمأب ولسمشر د دفتر له رئيس سره کتنه!
د سرحدونو او قبایلو چارو وزیر محترم محمد شفيق ګل آغا شېرزي نن دوشنبې د روان لمريز کال غبرګولي د میاشتې په27 مه نېټه د ولسمشر د دفتر له رئیس ښاغلي ډاکټر محمد شاکر کارګر سره وکتل. په دې کتنه کې ښاغلي کارګر په خپلو خبرو کې د سولې او ملي يووالي په ټينګښت، د قومونو د انسجام، او نورو اړوندو چارو کې د سرحدونو او قبایلو چارو وزارت کړنې وستايلې او په بېلابېلو اړوندو چارو کې يې د هېواد د ولسمشر ښاغلي محمد اشرف غني نظريات شريک کړل. همدا راز ښاغلي شېرزي په خپلو خبرو کې سوله د افغانانو اساسي اړتيا وبلله ټينګار يې وکړ، چې د جلالتماب ولسمشر نظرياتو او لارښوونو ته په پام سره به د سولې د ټينګښت، قومونو د انسجام او د افغانستان د لومړيتوبونو او ملي ګټو په تامينولو کې خپلو هلو ځلو ته دوام ورکړي. همداراز دواړو لورو په هېواد کې د روان سياسي وضعيت په اړه هم بحث او خبرې وکړې.
