د تحقیق او مطالعاتو په برخه کې یو ورځنی روزنیز ورکشاپ جوړ شو

کشنبه٣رجب المرجب١٤٤٥

یاد ورکشاپ د سرحدونو، قومونو او قبایلو چارو وزارت د بشرې زیرمو ریاست له خوا د غالب پوهنتون په همکارۍ د تحقیق او مطالعاتو ریاست یو شمیر کارکوونکو ته جوړ شوی وو.

په دې روزنیز ورکشاپ کې ګډونوالو ته د غالب پوهنتون د یوه تن  استاد ښاغلي روح الله صمیم له لورې  د څېړنې د ارزښت او ځانګړنې په برخه کې چې څه ډول پیل اوپه کومو برخو یې تمرکز وشي معلومات وړاندې شول ويې ویل څېړنه د يوې ټاکلې موضوع په باب رښتينې، ژوره او عالمانه پلټنه ده چې په هغې کې حقايق، واقعيتونه او مسايل تحليل، تفسير او تشريح کېږي. باید په ډېر غور او دقت د څېړنې د ټاکلو معیارونو په پام کې نیولو سره ترسره شي.

په پای کې ګډونوالو د ورکشاپ له محتوا او موضوعاتو څخه خوښي څرګنده کړه او د دوی د ظرفیت د لوړونې په برخه کې یې یاد پروګرام ګټور وبللو.