د بلخ په چهاربولک ولسوالۍ کې د اسلامي اخوت او ولسي ستونزو د اورېدو غونډه ترسره شوه.
سه شنبه ۱۸ صفرالمظفر ۱۴۴۷
د سرحدونو قومونو او قبايلو چارو وزارت په مشري د بلخ ولایت د سرحدونو قومونو او قبايلو چارو ریاست مسؤلينو له لوري د دې ولايت په چهاربولک ولسوالۍ کې د اسلامي اخوت او ولسي ستونزو د اورېدو تر عنوان لاندې يوه لویه ولسي غونډه جوړه شوه.
په یادې جوړې شوې غوڼده کې د بلخ مرستیال والي په شمول د بېلابېلو ادارو استازو، قومي مشرانو، علماء کرامو، متنفذينو او ګڼو ولسي خلکو حضور درلود، چې ولسي استازو خپلې سيمه ييزې ستونزې او وړانديزونه د همدې غونډې له لارې له مسؤلينو سره شريکې کړې.
د دغه غونډې پرمهال د بلخ ولایت د سرحدونو قومونو او قبايلو چارو ریاست مسؤلينو د قومونو ترمنځ د ژبني، سیمه ییزو او قومي تعصباتو د مخنیوي په تړاو خبرې وکړې او ولسونه يې يووالي ته راوبلل. مسؤلينو همداراز د اسلام له نظره په ټولنه کې د شته خرافاتو، ناسمو رواجونو او ناوړه دودونو د مخنيوي په تړاو د امیرالمؤمنین حفظه الله فرمان ولوست او د هغي د عملي کولو سپارښتنې يې وکړې.
