د بشريت د سترلارښود محمد رسول الله ﷺ د زوکړې د ورځې په مناسبت غونډه ترسره شوه
يکشنبه ۱۴ ربيع الأول ۱۴۴۷
د سرحدونو، قومونو او قبایلو چارو وزارت د ښوونې او روزنې رياست په مشري د پیرمحمد کاکړعالي لېسې د غونډو په تالار کې د میلاد النبی ﷺ په مناسبت جوړې شوې غونډه کې د ياد وزارت د مقام رئيس الحاج مولوي نياز محمد تقي او د دوعوت او ارشاد رئيس مفتي شفيع الله ثاقب په شمول د دغه وزارت استازو، د ليسې استادانو او ګڼو زده کوونکو برخه لرله.
غونډې ته د وزارت د مقام رئيس ښاغلي تقي د دې ورځې پر اهميت او ديني ارزښت خبرې وکړې، خلک يې د حضرت محمد ﷺ سره مينې ته راوبلل او زياته يې کړه: د الله تعالی مینه له هغه چا سره ده څوک، چې د هغه د محبوب پیغمبر ﷺ سره مینه لري، سنت يېعملي کوي او د هغه ﷺ د لارښوونو مطابق خپل سیرت او صورت جوړوي. نومړي په ښوونکو او زده کوونکو غږ وکړ، چې د رسول الله ﷺ لارښوونې عملي کړي.
ورپسې د دعوت او ارشاد رئيس مفتي شفيع الله ثاقب د حضرت رسول الله ﷺ د ژوند او کړو وړو په تړاو هر اړخېز معلومات وړاندې کړل ښاغلي ثاقب له خلکو وغوښتل، چې د رسول الله ﷺ ټول سنتونه په خپل ژوند کې عملي کړي، تر څو د دنیا او آخرت کامیاب
