د بزګر ملي ورځ دې د هېواد ټولو ویاړلیو بزګرانو ته مبارک وي!
بزګر هغه څوک دی چې د هېواد په سمسورتیا، اقتصادي پیاوړتیا او د ځان بسیاینې په برخو کې خورا مهم رول لري.
د افغانستان اسلامي جمهوري دولت تل په دې هڅه کې دی چې د هېواد بزګرانو ته د هغوی په کاري چوکاټ کې غوره اسانتیاوې رامنځته کړي، چې خوشبختانه تر ډېره په دې برخه کې بنسټیز کارونه تر سره شوي دي، یو له برنامو څخه یې په دې اړوند چې خورا اړتیا ورته لیدل کېده هغه د هېواد په اکثریت ولایتونو کې بزګرانو ته د سړو خونو جوړول و چې اوس بزګران له دې څخه ښه او پر ځای ګټه پورته کوي چې دا د ځان بسیاینې او د هېواد په اقتصادي پیاوړتیا کې غوره او پر ځای ګام دی.
د سرحدونو او قبایلو چارو وزارت د هېواد له ټولو بزګرانو څخه هیله کوي، چې د نشه یې توکو پر ځای دې په خپلو ځمکو کې غنم، جوار او نور فصلونه وکري چې هم یې ځان او هېوادوالو ته ګټه ورسېږي.
محب الله صمیم
د سرحدونو او قبایلو چارو وزیر
