د بدخشان له والي سره کتنه!
د سرحدونو او قبایلو چارو وزیر ښاغلي محب الله صميم او مل پلاوي بدخشان ولایت ته د خپل رسمي سفر په ترڅ کې نن غرمه د بدخشان له والي ښاغلي محمد ذکریا سودا سره د ولايت پر مقام کې وکتل.
په دې کتنه کې لومړی د بدخشان والي پلاوي ته ښه راغلاست ووايه او په ياد ولایت کې يې يو لړ سیمه ییزې ستونزې له ښاغلي محب الله صميم سره شریکې کړې.
ورپسې ښاغلي صميم د یاد ولایت ستونزو ته په کتو سره وویل: د سرحدونو او قبایلو چارو وزارت لومړيتوبونه په هېواد کې د مېشتو درنو قومونو ستونزې اورېدل، ملي یووالي او سولې ټینګښت ته د دوی هڅول او د سترو ولسي غونډو له لارې خلک د جمهوري نظام او ملي امنيتي_ دفاعي ځواکونو ملاتړ ته رابلل دي.
.
ښاغلي صميم د یاد ولایت چارواکو ته ډاډ ور کړ، چې د خپل سفر په ترڅ کې به د بدخشان ولایت له بېلابېلو اقشارو سره له نږدې وګوري او د خلکو ستونزو ته به له قومي مشرانو سره په ګډه حل لارې مومي.
