د بایزید روښان انستیتیوت د ترمیماتي چارو د چټکتیا په موخه ناسته
۲/۲/۱۴۴۵
د اجمل ایوبي تعمیراتي شرکت له مسؤلینو سره د سرحدونو، قومونو او قبایلو چارو وزارت د مسلکي معينيت په کاري دفتر کې د بایزید روښان انستیتیوت د رغینزو چارو د چټکتیا په موخه ناسته وشوه. په دغه ناسته کې مسلکي معین مولوي احمد طه قادري، د ښوونې او روزنې رئیس مولوي عبدالرحمن رحماني، مالي رئیس محمد سلیم ستانکزی، د پلان او پالیسۍ رئیس مولوي نیک محمد افغاني او د یاد شرکت مسؤلینو ګډون کړی وو. په پیل کې د بایزید روښان انستیتیوت د ترمیماتو په پاتې چارو خبرې وشوې او د ځنډېدلو د علتونو په اړه یې پوښتنې مطرح شوې وروسته د شرکت د مسؤلینو او انجینیرانو له لوري تخنیکې ستونزې د یاد شرکت د ځنډ علتونه وبلل شول او د ځینو ستونزو د حل غوښتنه یې وکړه. په اخیر کې ټاکل شوي پلاوي د مسلکي معین ښاغلي قادري په مشرۍ د یادو شویو ستونزو په اړه له سلا مشورو وروسته حل لارې وړاندې کړې او له قراردادي شرکت څخه یې د ترمیماتو د چټکتیا او بشپړولو غوښتنه وکړه.
