د اداري چارو په سمون او چټکۍ ټينګار!
د سرحدونو او قبايلو چارو وزارت مسلکي معين محترم ډاکټر فريدون بارکزي نن له بېلابېلو ريسانو سره د غونډې په ترڅ کې د وزارت د اداري چارو په سمون ټينګار وکړ.
په دې غونډه کې، لومړى اړوندو ريسانو په وارسره د خپلو ورځنيو چارو په اړه ښاغلي مسلکي معين ته راپور ورکړ، زياته يې کړه: موږ هڅه کوو د چارو په ترسره کولو کې رغنده او اغېزمن ګامونه واخلو
ورپسې ښاغلي بارکزي د اداري چارو په سمون او اصلاح باندې په ټينګارسره وويل: موږ د روان مالي کال د بشپړېدو په درشل کې يو، ټول اړوند مسوولين بايد له قانون او اصولو سره سم تدارکاتي اسناد په چټکى سره طى مراحل او بشپړ کړي، تر څو د وزارت پرمختیايي پروژې پر وخت تطبیق او د عادي او پرمختيايي بودجې د لګولو کچه لوړه شي.
د سرحدونو او قبایلو چارو وزارت ښاغلي مسلکي مرستیال دغه راز له اړوند ریسانو غوښتنه وکړه، چې د چارو د لا سمون او چټکتیا په موخه دې خپلو ورځنیو غونډو ته دوام ورکړي او خپلې ستونزې د وزارت له مشرتابه سره شریکې کړي.
