خوست کې د ا.ا.ا د مشرانو په هڅو د درې لسېزو دوامدارې دښمنۍ پای وموند
يکشنبه ١۸ صفر المظفر ۱۴۴۸
د خوست ولایت د سرحدونو، قومونو او قبایلو چارو رياست رئيس د شخړو د حل کمېسيون غړو او قومي مشرانو د ځايي خلکو په ملتيا د دغه ولايت په ځاځي ميدان ولسوالي کې د دوو کورنيو ترمنځ د تيرو شاوخوا دېرشو کلونو په دوام رامنځته شوي دښمني په دوستي بدله کړه.
د دغه دښمني له امله دواړو لوريو په سختو ستونزو او مشکلاتو کې ژوند تېراوه او د ژورو اختلافاتو د درلودلو له وجې يې راشه درشه سره نه لرله، چې بلآخره مسؤلينو د خپل منځګړيتوب په پايله کې روغې جوړې ته آمده کړل او د يوې شرعي فيصلې په ترڅ کې يې ياده دښمني په دوستي وربدله کړه.
د خوست ولايت د سرحدونو، قومونو او قبايلو چارو رياست مسؤلين دغه دښمني په داسې حال کې هواروي، چې په وينا يې تر دې وړاندې يې د خلکو ترمنځ په ياد ولايت کې ۱۱۵ لويې او وړې شخړې حل او فصل کړې دي
