جوزجان کې د سرحدونو، قومونو او قبايلو چارو رياست مسؤلينو له خلکو سره غونډه وکړه
چهار شنبه ۵ صفرالمظفر ۱۴۴۷ د ياد ولايت د سرحدونو، قومونو او قبايلو چارو رياست استازو د علماوو شوراغړو، د امربالمعروف او نهی عن المنکر رياست مسؤلينو او د اسلامي امارت منسوبينو په ملتیا د دي ولايت اړوند خواجه دوکو په ولسوالۍ کې له عامو خلکو، قومي مشرانو او مخورو سره د اسلامي اخوت او ولسي ستونزو اورېدو په موخه غونډه ترسره کړه. د غونډې پرمهال د جوز جان ولايت د سرحدونو، قومونو او قبايلو چارو رئيس مولوي غلام نبي صميم ګډونوالو ته وويل: د دي ولسي راټولېدنې هدف د ولسونو ترمنځ د اتحاد پياوړتيا، د ستونزو اورېدنه او د ميرالمؤمنين حفظه الله د فرمانونو تشريح ده ترڅو ولوسونه تري په پوره معنا خبر او د ژوند په چارو کې يې عملي کړي. ورپسې قومي مشرانو د اسلامي امارت کلک ملاتړ وکړ او خپلې ستونزې او وړاندیزونه یې د حل په موخه له مسؤلینو سره شریک کړل. يادو قومي مخورو ژمنه وکړه، چې د شيخ صيب حفظه الله هرفرمان به په سر سترګو مني او د ژوند په ټولو چارو کې به تري ګټه اخلي.
