بلخ او ارزګان کې جلاجلا شخړې حل شوې

چهارشنبه ١٨ رجب المرجب ۱۴۴۷

په بلخ ولايت کې د دوو کورنيو ترمنځ  هغه راپورته شوې څه باندې يو کلنه شخړه، چې دواړو لوريو ته يې ګڼې ستونزې راولاړې کړې وې د دغه ولايت د سرحدونو، قومونو او قبايلو چارو رياست د مسؤلينو لخوا د قومي مشرانو  په همکاري حل او دواړو لويو سوله ييز ژوند ته مخه کړه
 
همدا راز د ارزګان ولايت د سرحدونو، قومونو او قبايلو چارو رياست مسؤلينو د دغه ولايت په خاص ارزګان ولسوالي  کې د يوکس د وژلو له کبله راپورته شوې شخړه هواره کړه او ښکېل لوري يې سره غاړه غړۍ کړل.

دوی د اسلامي امارت له مشرانو او په خاصه توګه د سرحدونو، قومونو او قبايلو چارو وزارت له هڅو مننه وکړه، چې په وينا يې د ولسونو هره لويه او وړه ستونزه په سوله ييز ډول هوراوي او خلکو ته د هوسا ژوند زمينه برابروي