ارزګان کې د دوه مرورو کورنيو ترمنځ پخلاينه
چهارشنبه ۲۱ شوال المکرم ۱۴۴۷
د ارزګان ولايت په مرکز ترينکوټ کې د دوو کورنيو ترمنځ د تېرې څه مودې څخه راپدېخوا د ځمکو د کروندې په سر خپل منځي جنجالونه روان وو، چې د ارزګان د سرحدونو، قونومونو او قبايلو چارو آمريت مسؤلينو د خپلو دوامدارو کوششونو په دوام د قومي مشرانو په همکاري حل او فصل کړل.
د دغو جنجالونو په يایله کې له دواړو لوريو څخه څو تنه ټپيان شوي وو او ګڼې اندېښنې يې ترمنځ موجودې وې، چې د اسلامي امارت مشرانو د خپل مسؤليت او شفقت په پايله کې دواړه کورنۍ لومړی سولې ته راضي کړې او بيايې د يوې شرعي فيصلې په کولو سره هغوی يو بل ته ورغاړې وېستل.
د يادو دواړو کورنيو مشرانو د دوی ترمنځ ترسره شوي فيصله عادلانه وبلله او د خوښي ترڅنګ يې د اسلامي امارت له مسؤلينو په مننې کولو سره له نورو خلکو هم وغوښتل، چې ستونزې دې د خبرو له لارې هوارې کړې.
