ا.ا.ا به د اقتصاد د پياوړتيا په موخه زراعت او مالدارۍ له سنتي بڼې څخه په صنعت بدلوي
«نوري»
۱۷/جمادي الثاني/۱۴۴۴ هـ ق
نن سه شنبه د سرحدونو، قومونو او قبایلو چارو وزارت د جرګو معنيت له خوا په غزني ولايت کې ستره ولسي او قومي جرګه جوړه شوه.
ياده جرګه چې د سرحدونو،قومونو او قبایلو چارو سرپرست وزير الحاج ملا نورالله نوري، د جرګو معين الحاج ملا عبدالخالق عابد، د اطلاعاتو او عامه اړيکو رئيس ملا حمدالله فطرت، د غزني والي خليفه محمد اسحاق اخندزاده، ولايتي مسوولينو او له ولسواليو او مرکز څخه راغليو سلګونو علماوو او قومي مشرانو ګډون کړی وو د غزني ولايت مقام د غونډو په تالار کې رابلل شوې وه.
غونډې ته د غزني ولايت څو تنو مشرانو او علماوو خبرې وکړې، دوئ د اسلامي نظام په ملاتړ او د خپل ولايت ځينې ستونزو په يادولو سره له ا.ا.ا څخه وغوښتل چې د زراعت او مالدارۍ د بهبود لپاره دي بندونه ورغول شي او شفاخانو ته دي ارتقاء ورکړي.
غونډې ته د سرحدونو، قومونو او قبایلو چارو سرپرست وزير الحاج ملا نورالله نوري په خپله وينا کې د قومونو تر منځ پر يووالي او د اختلافاتو شاته اچولو ټينګار وکړ، په وينا يې د خپلواکۍ تر ګټلو د خپلواکي ساتل څو برابره ډير سخت او ننګونکی دی.
د اسلامي نظام او خپلواکۍ د ساتلو لپاره د قوي اقتصاد رامنځته کول خورا اړين دی چې لله الحمد ا.ا.ا په دې عرصه کې کوټلي ګامونه اخيستي او لا هم د زراعت او مالدارۍ د تقويې لپاره ډير قوي ارادې لري.
د جرګو او قبایلي چارو دهمغږۍ معين الحاج ملا عبدالخالق عابد بيا د غونډې ګډونوالو ته وويل: د جرګو او قبایلي چارو دهمغږۍ معين الحاج ملا عبدالخالق غربيانو ډيموکراسي راوړه او شل کاله يې کوشش وکړ دلته يې په خلکو ومني خو د افغانستان مسلمان ولس ډيموکراسي او د ازادۍ په نوم بې بندوباري رد کړه او د اسلامي افغانستان لپاره يې ډيرې قربانۍ ورکړې.
غونډه افغانستان ته د خير په دعا پاي ته ورسيده.
